Вырăнта
Сарă хапха умĕнче
Çапă купи тăрринче
Пĕр качака путекки
Çухăрать сас çĕтиччен:
«Эпĕ кунта улăхрăм.
Сирĕн валли вырăн çук.
Кунти мул — ман пурлăхăм,
Текех сире тивес çук.
Урари çут калушне
Кунта пылчăк тивеймĕ,
Таса яка тумтирне
Хура пăрçа ереймĕ».
Çакна илтсен выльăхсем
Çавраçил пек кĕрлерĕç
Каçăр сăмса сыснисем
Кача çулне йĕрлерĕç,
Ун каппайчăк сăмахне
Виçе-виçе тишкерчĕç.
Сирпĕнтерчĕç çавăнтах
Аслă-чаплă вырăнтан.
Пăрçа ерми тумтирне
Ячĕç пĕлӳ ӳстерме.
Ун вырăнне ĕçлеме
Лартрĕç сурăх путекне.
* * *
Халăх панă вырăнпа
Ытлах мухтанмалла мар.
Ĕç тумасан ăс-тăнпа —
Паян кунах вăл сан мар.
Шухăшсем
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...
Get more leads for your chuvash...
Eager to widen your website impac...