Электронлă вулавăш

Бетонăн хӳмисем —

ик рет, виç рет, çич рет.

Хĕвел пытаннăçем

вĕсен мĕлки ӳсет.

 

Сан симĕс тутăрна

куратăп инçетрен.

Эс тирпейлен ăна,

кĕреçӳне илен.

 

Эс пĕр хысак çинчен

теприн çине анан,

çак сăртăн хĕрринчен

аялалла пăхан.

 

Унта шăпланчĕ кран,

унта ĕç вĕçленет.

Эс кукленсе ларан

вĕри бетон çине.

 

Кран кăмаки патне

хуллен арçын тухать.

Хуралнă кĕпине

вăл типĕтме çакать.

 

Эс çав кĕпе çинчи

пĕр саплăка курса

сасартăк манăçан

кăштах пусăрăнса.

 

Ун хулĕ çĕкленет,

ялтрать вăл хĕвелпе.

Сан сĕртенес килет

ăна çӳçӳсемпе.

 

Савас килет хуллен

çинçе пӳрнӳсемпе,

ятпа чĕнес килет

ăна сан ерипе.

 

Ĕçрен киле килсен

ларасчĕ иккĕн çеç.

Хăй çутисем хуллен

урамсенче сӳнеç...

 

Кăшт музыка янрать

стена леш енĕнче...

Вăл сан çӳçне савать

сан çумăнта ирччен...

 

...Кĕреçӳне илсе эс

çĕкленен чипер.

Ма санăн куçусем

унчченхинчен сенкер?

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн