Йывăр çул вĕçĕ
Ӳкет. Тăрать. Утать каллех.
Ярса пусма та — вилĕм.
Ăçта çитесшĕн вăл халех?
Хăш еннелле ун килĕ?
Кил-çурт кĕл пулнă тахçанах.
Шыв-шур та хухнă, хуртлă.
Хире, çырлаллă пахчана
Хурах эшкерĕ хăртнă.
Эс çивĕт вĕççĕнех, анне.
Пулать-и уншăн çылăх?
Салтакăн чĕрĕ суранне
Тутăрупа эс çыхнă.
Арканнă кил, ачу-пăчу
Саланнă сан пĕрерĕн.
Хаяр та шелсĕр çапăçу
Кама хăварĕ чĕррĕн?
Утать хулен. Путать ури.
Çул — пылчăк сарнă çилĕм.
Халран ярас тесе юри
Юрпа сапать кĕр çилĕ.
Çапах — малта, кур, шĕвелет
Юхса иртсен каç сĕмĕ.
Куçра сан ăшăнать шевле, —
Вăл — шанчăк вăйĕ-хĕмĕ.
Ах, кунĕсем — тискер, хаяр.
Хĕртет, шăнтать çанталăк.
Эрне çеç мар, пĕр çул та мар,
Шăпах тăват çулталăк.
Çапах эс пурнăç калчине
Çапăçура ӳстертĕн.
Юнланнă тухăç аркине
Ялав пек вĕлкĕштертĕн!
Шухăшсем
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...
Get more leads for your chuvash...
Eager to widen your website impac...
Ever thought how chuvash...