Пурнăçа юратни
Виçĕ йăмăкăм ялта.
Кашниннех кил-çурт, пахча.
Карта выльăхĕ... «тата
Пĕр кĕтӳ ача-пăча».
Çапларах хăйсем шӳтлеççĕ,
Пухăнсан хăна-вĕрле.
Хуть хăçан —
Ирпе, çĕрле —
Пепкисем йĕрме-йĕреççĕ,
Çаруран чупса çӳреççĕ.
Кăвапа таран кĕпе.
Кăкăр умĕ йĕп-йĕпе...
Ним те мар-çке.
Астусамăр,
Еплерех ӳсмен-ши хамăр?
Хырăм пулнă параппан —
Ирĕн-каçăн çĕрулми.
Вăл пулсассăн пурăнан,
Сăн-пит çеç пулать кулми.
Пурпĕрех, хурах эшкерĕ
Вăрçăпа килсен,
Кĕреш пек туссем ĕшкерĕç
Фашиста тĕпрен.
Урăхла лару-тăру
Çĕнĕ вăхăт,
Çĕн ăру.
Сăмахлать ача, итленĕ,
Кăшт чĕлхи уçăлсанах,
Малтан —
Амăш. Ашшĕ. Ленин.
Унтан —
Спутник. Космонавт.
Сирĕншĕн малашлăх кунĕн
Хатĕрех çул парнисем.
Çилпеле хĕвел чуптунă
Хăмăр ӳтлĕ ачасем.
Çавăнпа кунта эс ĕлкĕр,
Шухăшăм, калас пурри:
Вăрçă асапне ан пĕлтĕр,
Тек ан пултăр ун хурри
Виçĕ йăмăкăн кил-çурчĕ
Пĕтĕм халăхăн кил-çурчĕ!
Шухăшсем
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...