«Мĕнле илемлĕ çут тĕнче!..»

Виталий Владимиров-Наперсткин | Сăвă | 407


Мĕнле илемлĕ çут тĕнче!

Епле вăл анлă, тулăх!

Пур кунпа каç çак çĕр çинче,

Пур çумăр, пĕлĕт, улăх.

 

Тĕлĕнмелле кĕтречĕ ун

Татах нумай. Этемлĕх.

Хăй Çын — питех хăватлă чун,

Унра тĕнче илемлĕ.

 

Çынна туртать çулла йăмра,

Çĕрле тухать çут уйăх.

Вылять вăл ăшă каç шывра,

Сикет, чупать хум тăрăх.

 

Çынран вăйли мĕскер пур-ши?

Анчах вăл Çĕрсĕр чирлĕ.

Ăна хăйне те кил ăшши,

Çемье хунавĕ кирлĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: