Çамрăклăх
Çамрăклăх — çăлкуçăн тăрă шывĕ,
Ĕçнĕçем ĕçес килет чунтан.
Çамрăклăх — çурхи чечек çĕршывĕ,
Пуçланать ирхи савăк кунтан.
Çамрăклăх — асамлă шухăш-туйăм,
Канăçа чĕре, ав, çухатать.
Çамрăклăх — тин çеç ешернĕ уйăм,
Пирвайхи юрату çуратать.
Çамрăклăх — шăнса çитмен пăр çийĕ,
Йăнăшсан, путма та йывăр мар.
Çамрăклăх — кăнтăрăн ăшă çилĕ,
Ăшăпа сивĕ те юнашар.
Çамрăклăх — çылăхçăр пурнăç терчĕ,
Тертленӳ те ырă ку чухне.
Çамрăклăх — симпыл сăра щерпечĕ,
Сӳнме парас марччĕ вучахне.
Çамрăклăх — атте-анне пехилĕ,
Çамрăклăх пĕрре анчах, пĕрре...
Çамрăклăх — малаш пурнăç шевлийĕ,
Кăлăхах ан кĕр эсĕ чĕрре!
Çамрăклăх...
Шухăшсем
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...