Пулас вĕçевçĕсем
Ман юлташсем, ир-ир тăрсассăн,
Хаваслă юрă юрлама
Пĕр харăс пухăнса тухаççĕ
Ем-ешĕл аэродрома.
Вăрман çинче ун чух тĕтре çеç
Хăймаланать те кĕвелет...
Штурвал тытса кĕтсе илеççĕ
Туссем куллен çут хĕвеле.
Çерем тип-тикĕс. Кĕç ун тăрăх,
Чĕркĕмĕл сывлăм сирпĕтсе,
Чупса каяççĕ пĕр моторлă
Вĕренмелли самолетсем.
Халь вĕсене çĕкленнĕçемĕн
Вылянчăк çил те пулăшать.
Вĕсем, асамлă чĕкеçсем пек,
Касаççĕ çутă сывлăша.
Çак самантра эп уçрăм кантăк —
Эх, кунĕ мĕн тери чипер!
Ирхи шавпа, ан тив, вăрантăр
Шур сăпкари ман печĕк хĕр.
Тӳпе кĕрлет. Вăранчĕ хĕрĕм,
Пуçларĕ кĕç сиккелеме.
Эп тытрăм та çӳле çеклерем
Ир тăнă пĕчĕк хĕрĕме.
Ак вăл пăхкалама пикенчĕ
Йĕри-тавра. Ун куçĕнче
Çуталчĕ таврари ӳкерчĕк
Сăнланчĕ пĕтĕм çут тĕнче.
Хăй кулса ячĕ пит хавассăн,
Пуканелле вылянă пек,
Çӳлти самолета курсассăн,
Вăл кăчăк туртрĕ аллипе.
Унтан вăл тытăнчĕ хăюллăн
Хăлаçланма та кĕрлеме.
Çак самантра хам хĕрĕме
Каларăм эп: «Вĕçевçĕ пулăн!
Чун чăмăрккиçĕм, çил-çунатăм,
Хăпарăн эс çӳле-çӳле!
...Анчах эс ватă аçуна та
Хăвпа пĕрлех илсе çӳре».
Шухăшсем
Ready to accelerate your website ...
В современном мире, где качество и безо...
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...