Çут ăраскаллă пултăр халăх
Паян пуçра тем тĕрлĕ шухăш.
Чуна та тăвăр пӳлĕмре…
Чӳречерен куç хĕсрĕ уйăх.
Вăл та пĕччен-ши тӳпере?
Каçхи тĕнче те илĕртӳллĕ.
Çут çăлтăрсем ав пинĕпе.
Çĕн уйăха санарăм эпĕ,
Çут кĕмĕл сапрăм йăлипе.
Пĕр васкамасăр утрăм-утрăм
Тĕнче хĕрне çитес пекех.
Хам халăхăм çинчен пуç ватрăм.
Йăх-несĕле ман пĕлмеллех…
Ак йăлтăр çутă çăлтăр ӳкрĕ.
Умра çуталчĕ авалхи.
Сăвар, Пăлхар, манми Пӳлерĕ…
Алмуш, Челпир та Ылттăнпик…
Пӳлер çунать…Мĕн тер пуянлăх
Кĕл пулчĕ ĕнтĕ тĕппипе.
Ман йăх çине тиенĕ хурлăх
Тутар-монгол эшкерĕсем…
Çакна йăлтах асра хăварăп.
Çитерĕп ачамсем патне.
Аваллăхсăр малашлăх çуккă.
Ав шуçăм та килет иккен.
Мĕн пулчĕ ку? Е çутă çăлтăр
Пулса çиçеç-ши паттăрсем?
Ман Чăваш ен нихçан ан куртăр
Нимле инкек, ыр тăвансем.
Çĕр-шывсăр халăх пулĕ тăлăх.
Пăлхар шăпи ан килтĕрех…
Çут ăраскаллă пултăр халăх
Чăваш енре мĕн ĕмĕрех!
Шухăшсем
Когда речь идет о ремонте, выбор правил...
What if your website chuvash...
Get more leads for your chuvash...
Когда речь идет о ремонте, выбор правил...
Are you making the most of the potential...
Imagine if chuvash...
Когда речь идет о ремонте, выбор правил...
Imagine if chuvash...
Когда речь идет о ремонте, выбор правил...
Когда речь идет о ремонте, выбор правил...