Аннене пуç тайни

Аннеçĕм!

Эсĕ тăкнă тарпа

Тырă-пулă хирте ăршаланнă.

Эс пилленĕ халпа

Салтаксем кĕрсе кайнă вута.

Сан хĕрӳ сăмахна

Ĕненсе тăшмана пăталанă,

Сан таса ятупа

Паттăрсем кăмрăкланнă вутра.

Аннеçĕм!

Сан ачаш аллупа

Тăлăхсем çитĕнсе ураланчĕç.

Эсĕ панă сăнпа

Аттесем упранаççĕ юнра.

Чи юратнă сăнсем

Ерипен-ерипен шупкаланчĕç,

Эпĕр пурпĕр санпа,

Ĕмĕрех эсĕ пулăн чунра.

Çĕнĕ комментари хуш