Юман çинчен

Юман улăпланса тăма

çемçе çĕре ярать тымар.

Юпа пулать те – ак ăна –

тĕрекĕ ун – хыт çĕр кăна!

* * *

Мĕн-ма хирте ӳсмест юман?

Тен, çын касса-хăртса тăрать?

Тен, хăй сив çилсенчен хăрать?

Мĕн-ма хирте ӳсмест юман,

мĕнрен-ши хаклă çав вăрман?

* * *

Юман çĕн пуртăран çăлма ыйтмарĕ.

Леш катăлать, кун вăйĕ – хунавра.

Пĕриншĕн çеç хăйне вăл каçармарĕ:

аври çеç пурттăн пулнă… юманран.

Çĕнĕ комментари хуш