«Ытла та кăшкăрса кĕлтăвакан çынна ан шан...»

Ытла та кăшкăрса кĕлтăвакан çынна ан шан,

Эс аманса сас панине те чĕннине вăл илтмĕ.

Ун пек этем сан инкекне курмиш пулать курсан,

Сана çеç мар, хăй тăванне çăлмашкăн та вăл килмĕ.

Чăн-чăн ĕненекен Турра вăл шăппăн кĕлтăвать,

Хăй çумĕнче тăракана пачах кансĕрлемесĕр,

Çын нушине курсан — шеллет те пулăшма васкать,

Унран нимле парне-тав сăмахне кĕтмесĕр.

27.03.2007.

Çĕнĕ комментари хуш