Тулта улать ула тăман...

Тулта улать ула тăман,

пӳрте пăхса чĕтрет хĕл каçĕ.

Хыпмастăп эп, шăнсах çĕр каçăр,

тулти çич ютшăн çук ĕç ман!

Выртатăп кăвапа шăлса…

Тăхта, ача сасси?

Пĕр сас!

Çарамасах, çарран, пуç хĕрлĕн

тухса вĕçетĕп.

Кам? Мĕн кирлĕ?

Кушак иккен, тухсаччĕ паçăр.

Кĕрсем, эх, мĕскĕн. Çил-тăман…

Хыпмастăп эп, шăнсах çĕр каçăр,

тулти çич ютшăн çук ĕç ман!

Хул айĕнчи туясене

шăп çурмаран хуçса перетĕп!

Çавах ташлатăп. Халь пĕлетĕп:

парăнмасан – теме çĕнен.

Çĕнĕ комментари хуш