«Ан ларт, аннем, ума эс кученеçĕ...»

Ан ларт, аннем, ума эс кученеçĕ,

Ан хыпалан — эп хăнана килмен.

Ывăлусем тăван киле килеççĕ

Чунĕсенчи çылăхсене сирме.

Хуплу, икерчĕ ан пĕçер, тархасшăн,

Çĕр çывăрмасăр ан вĕрет сăра.

Лар юнашар, калаçăпăр ачашшăн,

Калас сăмахăм капланса тăрать.

Асар-писер кунсен асап тăманĕ

Ларса шуралчĕ пирĕн пуç çине.

Аннеçĕм, ĕнтĕ эпĕ ачашлам-и

Пире ӳстернĕ ват аллусене?

Салтаккасси.

Çĕнĕ комментари хуш