«Кунçул пĕр вĕçсĕр ĕмĕт пек çăмха...»

Виталий Станьял | Сăвă | 384


Кунçул пĕр вĕçсĕр ĕмĕт пек çăмха,

Анчах ăна сӳтмешкĕн эп пĕлмерĕм.

Сиктерчĕç ыттисем юланутпа,

Эпĕ вара çуран кăна çӳрерĕм.

 

Утан çулта телей çăмхи тупсан

Пĕртен пĕр тусăма парас тесеттĕм.

Телейĕме вăл тиркемен пулсан

Мăшăр утпа ĕрехтерсе çӳреттĕм.

 

...Хама савман савни патне кайса

Чĕре çине кача тăвар çеç сапрăм,

Çăмха пек утсемпе çăрхаласа

Яш ĕмĕрти ĕмĕтсене ăсатрăм.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: