«Çӳллĕ, çӳллĕ, çӳллĕ ту...»

Çӳллĕ, çӳллĕ, çӳллĕ ту,

Хăпарасчĕ ту çине.

Чун çунтармĕш юрату,

Ах, тупасчĕ савнине.

Çӳллĕ, çӳллĕ ту çине

Хăпармашкăн йывăр çав.

Чун юратнă савнине

Ах, тупмашкăн йывăр çав.

Çӳлле, çӳллĕ ту çине

Эп хăпарăп пурпĕрех.

Чун юратнă савнине

Эп тупатăп пурпĕрех.

Çӳллĕ, çӳллĕ ту çинчен

Эп анмашкăн пĕлес çук.

Чун юратнă савнирен

Эп нихçан уйрăлас çук.

03.01.07.

Çĕнĕ комментари хуш