Электронлă вулавăш

Кăтраха çăлĕ патĕнче икĕ пысăк хурăн лараççĕ: вĕсене «Учук хурăнĕ» теççĕ. Вĕсен пĕр çулçине татсан та çынна инкек пулать теççĕ ваттисем.

Н.И. Ашмарин. Чăваш сăмахĕсен кĕнеки, VII т., 203 с.

 

Эс кам таврашĕ, Кăтраха?

Кавказ енчен ку тăрăха

Эшкерӳпе куçса килсе

Эс канăç тупнă-ши вилсе?

Хай Аспарух Дунай çине

Кайса тĕпленнĕ ун чухне.

Шырарăн пулĕ ырлăха,

Нумай-тăр лекрĕн шырлăха.

Çапах упраннă сан йăху,

Йăхупала — мăнаçлăху:

Сăваплă çак киремете

Çын тивмĕ те, пĕтермĕ те.

Пĕтересех тесен сана —

Тытса хутлатăн эс ăна.

Пĕртен-пĕр шалкăмлă çулçу

Типсессĕн те — çухалас çук:

Ӳссе хăпарĕ хунаву,

Юхма пăрахмĕ сан шыву.

Ытах кусем те манăçсан —

Ытти çĕрте хăват пур сан.

Самар кукри таврашĕнчех —

Малтан вырнаçнă çĕрсенчех

Çынна пуçтарнă чул кĕлет,

Вăл хытăрах тытма пĕлет.

Çак хурăнташ Чул кĕлетке

Тахçантанпах тытать йĕрке:

Ун яланхи ыр тусĕсем —

Тавралăхри чӳк пуçĕсем.

Унта тĕпленнĕ йăх — аскул,

Унпа, тăван, тăванлă пул:

Пăлхар çĕрне вăрă-хурах

Килсе тустарнă вăхăтра

Вăл алă панă тăванла.

Ăна ан манăр айванла.

Хам пиллеме пĕлеймесен

Ман пилĕме унран илен...

Çак сĕмленӳ кайрантарах

Тӳрре тухайрĕ-ши вара?

Якку Иванĕ сив чирпе,

Вилмех çитсессĕн пĕр ирпе

Аскулăн çĕрĕ хăтарать,

Мухтавлă ĕç тупса параты

«Ма çук чăвашăн кĕнеки?

Çырсамччĕ эсĕ ун пекки!..».

Çак сĕмленӳллĕ сăмахра

Хай Кăтраха кĕтни пурах.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн