Шупашкар — ман юратнă хула

Маргарита Гурьева | Сăвă | Шупашкар | 338


Мĕн тери эсĕ капăр паян,

Шупашкар — ман юратнă хула!

Юрă-кĕвĕ янрать те ян-ян,

Ĕмĕт-шанчăк çĕклет кăмăла.

 

Уçă çил кассăн-кассăн вĕрсе

Чечексен шăршине сапалать.

Шухăшпа тӳпене вĕл вĕçсе

Хăпарсан, савăк чунăм кулать.

 

Савăнса ача пек кăшкăрса

Мĕн пурне манăçса пĕр-пĕччен,

Çут тĕнче санпала выляса

Киленетĕп хавассăн темччен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: