Автобусри калаçу

Аркадий Русаков | Сăвă | 1 595


Çулла элес-мелес тусан

Çул çийĕнче тăрать.

Автобуспа çула тухсан,

Пиçсе çунан вара.

 

Пит пăчă, шăрăх салонра —

Ларатăн тарласа.

Пуçа чиксен çеç кантăкран,

Яратăн сывласа.

 

Ларса пыратăп Энтрипе.

Вăл — кӳршĕ ял каччи.

Темме аптранă чĕрипе

Çак çын. Ват пек ун чир.

 

Энтрийĕн куçĕ, хĕсĕнсе,

Пăхать чӳречерен:

Вăрах мар иккĕнччĕ вĕсем,

Халь юлчĕ вăл пĕччен.

 

Уй-шухăшсем ун пуçĕнче

Памаççĕ лăпланма.

Пĕр ăслă уй: «Хуйхăриччен, —

Калать, — хăвна ан ман!

 

Темех пулмарĕ-çке санпа:

Каларĕ хĕр уйне.

Текех çӳреймĕн суранпа,

Кулса ил хăш чухне.

 

Нина сана юратманни —

Тем мар вăл. Теприне,

Часах тупса хитре савни,

Йăпанăн каçхине».

 

Анчах ку шухăша тепри

Хăваласа ярать:

Хитре савни кирлех марри

Пуçа ыраттарать.

 

«Нина, Нина, епле, Нина,

Килсе тухать капла?

Кӳрентермен-ши эп сана,

Пĕр-пĕр чух пуçтахла?

 

Усал тума сана, нихçан

Пуçра уйсем пулман.

Анчах та сиввĕн эс пăхан,

Епле уйсем-ши сан?»

 

Çапла Энтри шухăшласа,

Хутран хаш-хаш! сывлать.

Чупать автобус, васкаса

Киле, анаталла.

 

Качча эп лайăх ăнланса,

Пăхатăп шеллесе,

Пит хăпартмасăр хам сасса,

Калатăп: «Лар», — тесе.

 

«Ан хуйхăр, эсĕ, çав тери!

Çапла вăл, хĕр тени.

Итле мана, лăплан, Энтри!

Начар вăл кулянни.

 

Нина сана кӳрентерсе,

Каланă хăй камне.

«Телейлĕ пул, Нина!» — тесе,

Юрат урăххине.

 

Итлеччĕ аслă пиччӳне —

Эп — пурнăç курнăскер.

Хытар ыратнă чĕрӳне,

Ан шухăшла темскер».

 

Энтри кăна илтсен, мана,

Каларĕ: «Ку — çапла.

Телейлĕ пурăнтăр Нина,

Ман та пурăнмалла».

 

Тусан автобус кăларса

Чуптарчĕ малалла.

Вăл илчĕ хыттăн кăшкăртса,

Пырса кĕрсен яла.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: