Танăç пурнăç шевли

Ав вылять тăнăç пурнăç шевли,

Сăрхăнать пӳлĕме ун çути.

Илĕртет пек кун-çулăн утти

Çук та пуль халь манран телейли!

Çак шевле парнелет çĕн вăй-хал,

Вăл çĕклет кăмăла, туйăма.

Хăйне питĕ телейлĕ туйма

Çынна кирлĕ иккен пит сахал.

Пурăнма кăна çиттĕр ăс-хал,

Чĕресем пулччăр ĕмĕр кăвар,

Пур чухне пуррипе савăнар,

Çакă мар-и-ха вăл ăраскал?

Çĕнĕ комментари хуш