Чиперкке

Аркадий Русаков | Юрă | 703


Сарă çӳçлĕ,

Кăвак куçлă

Йăлтăр-йăлтăр чиперкке.

Лĕпĕш евĕр,

Вĕлтĕр-вĕлтĕр

Çинçе пилĕклĕ пике.

Хĕвел евĕр вăл кулать йăл!

Вылятса куçĕсене,

Хумхатать те çунтарать вăл

Каччăсен чĕрисене.

Хушса юрламалли:

Чиперкке, чиперкке —

Илĕртӳллĕ сар çеçке,

Тыткăна илсе чуна,

Хăйĕнчен ямасть ăна.

 

Утнă чух ун

Пит илемлĕ

Авăнса вылять алли,

Шăпчăк евĕр

Çепĕç саслă

Янăрать ялан кулли.

Çумĕнче ун явăнаççĕ

Çавăнпа пуль каччăсем.

Савăнса йăлтăртатаççĕ

Хĕрĕн çăлтăр куçĕсем.

 

Ман чĕре те

Хумхануллăн,

Курсанах сар пикене,

Тапать хăвăрт,

Чараймасăр

Кăкăрти туйăмсене.

Эп пĕччен, анчах, çӳретĕп,

Килĕшсен те сар çеçке.

Хăйех пăхасса кĕтетĕп

Ман çине çак чиперкке.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: