Ман Чăваш Ен
Уй-вăрманпа утатăп эп,
Ял-хулара çӳреп.
Пĕр саншăн çеç пурнатăп теп,
Сан ятупа çиçеп.
Ан илĕртĕр мана ютпа,
Çук çак çĕртен хакли:
Ман Чăваш ен, ман чун кунта,
Манпа чăваш чĕлхи.
Эп чĕремпе пурнап кунта,
Вĕрет кунта ман юн.
Пĕр саншăн çеç çунса чунпа
Эп ирттеретĕп кун.
Мĕн кĕмĕл, ылтăн! Мĕн укçа! —
Пур чи кирли, хакли.
Ман Чăваш ен, таяп пуçа —
Манра чăваш чĕлхи.
Юрлатăп эп уяв пулсан,
Таш пуçласан — ташлап.
Тăшман кĕрсен шăл хăйраса
Шăлне çапса катап.
Ман ĕç — пĕр тĕк çунатунта,
Пĕр сас мал юррунти.
Ман Чăваш ен, ман кун-çулта
Кĕрлет чăваш чĕлхи.
2011, пуш, 7
Шухăшсем
Hello, Secure your spot on Rhodium Verse...
Ачв чухне лаша пуçĕ урлă утланса ларни...
КАЙМАÇ ПУЛАС ШУХĂША ПĔЛТЕРНИ .
To the chuvash...
Вăйлă xaйлав! Помидор çимĕçĕн усăлăхĕпе ...
пĕрремĕш абзацрах стилĕ килĕшмерĕ ...
Disquieting https://www...
Trying https://www...
Темĕн çав ...
Наталие хуравласа ...