Ман патах кил

Тулхăрса вĕрсессĕн сивĕ çил,

Ман пата, савниçĕм, эсĕ кил.

Эп кăмакаран та вĕрирех,

Эп сар хĕвелтен те хĕрӳрех,

Ăшăтăп сана эп çĕрĕпех.

Вичкĕн ток пек чупĕ сан юну,

Киленсе йăпанĕ сан чуну.

Шурăмпуç килсессĕн çуталса

Тутлăн-тутлăн кайăн çывăрса,

Ыйхуна эп выртăп сыхласа.

Ир енне лăпланĕ сивĕ çил,

Юлĕ пушанса ман хăтлă кил.

Шăппăн-шăппăн кайăн эс тухса,

Ăшшăн-ăшшăн, кăмăллăн кулса,

Шурă тутăрна хуллен сулса.

Тулхăрса вĕрсен каллех сив çил,

Ман патах, савниçĕм, эсĕ кил.

Çĕнĕ комментари хуш