Урăх вăхăт уçлăхĕн этемккине сыватни
(чăн пулни)
Çурçĕр иртсен, мана вырăн çинчен çĕклесе,
Илсе кайрĕç тĕлĕнтермĕш этемккесем.
Уçлăхри пĕр планетă çине вĕçсе çитсе,
Ман йĕри-тавра кумрĕç гуманоидсем:
Пĕчĕкскерсем, метр çурă çӳллĕш этем евĕр,
Урисем кĕске, сарлака çут çамкаллă,
Куçĕсем вара, куçĕсем пысăк чикĕсĕр,
Ялтăркка симĕс-хурçă комбинизонлă.
Вĕçев аппарачĕ асам пушхирте тăрать,
Илĕртмĕш инçе Космос хăни эп паян.
Темĕн юмахлать ак пĕри, темĕн асамлать —
Урăх вăхăт уçлăхĕнче пурăнакан.
Телепати урлă вăл, ахăртнех пуплешрĕ,
Хăватлă хум чуппине туятăп унран:
«Чирлĕ çакă, салтака юрăхсăр», — янлатрĕ, —
Чĕремпе туйса илтĕм уçă уçлăхран.
Ман умра тăрать-мĕн сывлăхсăр гуманоид,
Пит тĕмсĕлсе пăхать хăй, пулăшу кĕтсе.
Ыттисем сăнаççĕ мана, хушăра — пĕр шит,
Аллăма вăй пухрăм, çӳлелле çĕклесе.
Вара ун пуç тăррине, аллăмсене хурса,
Тытăнтăм ăна сыватма,
пур вăй-халтан…
…Тăна кĕтĕм хам вырăн çинче, шурса кайса,
Вăйсăр куçăмсене уçрăм аран-аран.
Кантăкран асамлă çутă сăрхăнать иккен,
Йывăрланнă шăмшакăм, йăлт вăйран кайнă…
Асам тĕнчинчен — урăх вăхăт уçлăхĕнчен,
Çĕр çине каялла мана леçсе янă…
…Çав тĕлĕнтермĕш-этемккесем патне çитме,
Миçе çутă çулĕ чухлĕ хутлăх пур-ши?
Халь килеççĕ вĕсем ман пата тĕлĕкĕме,
Аномалиллĕ пулăмшăн тав тума-ши?
Шухăшсем
Your website, chuvash...
What if your website chuvash...
Are you fully utilizing the potential of...
Every day, websites like chuvash....
Get more leads for your chuvash...
Your website, chuvash...
Are you maximizing the potential of your...
Your website, chuvash...
Every day, websites like chuvash....
I recently tried https://killakush...