Электронлă вулавăш

Çуркунне çитсессĕн

Ăшă çил вĕрсессĕн

Пахчари шур çĕмĕрт

Çуратать шух ĕмĕт.

Çамрăклăх килет пек

Ман пата вĕçсе.

Юрату пиллет пек

Шурă-шур çеçке.

Пăлханса утатăп

Çĕмĕртĕм патне.

Ачалла хуçатăп

Чĕрĕ чечекне.

— Татмалла та марччĕ, —

Терĕм эп хама,

Анчах тем хуçтарчĕ

Чечекне тем-ма.

…Эп кунтан иртеттĕм

Шкулалла вăр-вар.

— Ма пĕччен вăл? — теттĕм,

Çĕмĕртлĕ утрав.

Çуркунне килсессĕн

Кăмăл çĕкленет.

Çуркунне çитсессĕн

Çĕмĕртĕм чĕнет.

Ыр сипетлĕ çĕмĕрт,

Çук, сана манман.

Çĕмĕрт, çамрăк ĕмĕт,

Асăмрах пурнан.

— Туслăха ан çĕмĕр, —

Вăшăлтатрĕ çĕмĕрт.

— Эп сана манмастăп.

Эс ан ман мана.