Ялан эс пĕрле — чĕререх

Ф.

Сана çухатсассăн, савниçĕм,

Ман куçăм çухалнă пекех.

Эп суккăр пулсассăн,

Сана курмасассăн

Мĕн-ма пурăнас-ха текех?..

Сана çухатсассăн, савниçĕм,

Урасăр эп юлнă пекех.

Урасăр пулсассăн,

Пĕрле утмасассăн

Мĕн-ма пурăнас-ха текех?..

Сана çухатсассăн, савниçĕм,

Эп алсăр юлнă пекех.

Алли пулмасассăн,

Хăват юлмасассăн

Мĕн-ма пурăнас-ха текех?..

Çук, çук! Çухатмастăп, савниçĕм,

Ялан эс пĕрле — чĕререх:

Эп суккăр пулсан та,

Урасăр юлсан та

Санра вăй тупатăп пĕрех!

Çĕнĕ комментари хуш