Электронлă вулавăш

Сĕнче çыранĕ çӳллĕ,

Çыран тăрри тӳремлĕх,

Тӳремлĕхе тыр акнă,

Ешернĕ вăл сип-симĕс.

Чăш-чаш утса пĕр çиччĕн

Сĕл пуссинче çӳреççĕ,

Темскер тупса сăнаççĕ,

Нихçан курман пуянлăх

Тĕл пулнăн тинкереççĕ:

Чарнаççĕ сывлама та,

Чăл-чал çиçет пит-куçĕ.

Чӳлмек ванчăкĕсем те,

Йĕрĕлчесем те пур-мĕн,

Тупаççĕ шăмăсем те,

Пур тимĕр хатĕр-хĕтĕр.

Çич-сакăр ĕмĕр ĕлĕк

Кунта мĕнле хула-ши

Кун курнă та шавланă?

Тăшман килсе çапсассăн

Епле вĕсем сыхланнă?

Мĕнле асап тӳссе-ши

Тĕм-тĕкĕрех тĕп пулнă?

Пӳлер-Сăвар юлташĕ

Пулнах-тăр çак хуламăр

Тесе пăшăрханатăн.

Хӳме палли юлайнă —

Тĕмеленсе выртать вăл.

Çыруллă чул юпа та

Ун-кун кăштах упраннă,

Унта — "ыр çыннăн" ячĕ.

Чӳлмекĕн ванчăк тĕпĕ,

Иĕрĕлчепе сар шăмă

Тахçан кунта çӳренĕ

Йăх тав-шавне хускатрĕç,

Инçе ертсе каяççĕ

Аваллăх çуле тăрăх.

Пăлхар-Сăвар тăшманĕ

Алхаснă-тăр кунта та.

Тен, çак сăрта хăпарнă —

Тен, пĕрене кустарнă

Вĕсем çине сăварĕ.

Çурт-йĕр, чикме хӳме те

Шарт-шарт! çунса кĕлленнĕ.

Çич ют вут хыптарсассăн,

Çынсем те пĕтнĕ ĕнтĕ,

Вилнех-тĕр чикĕшсе те

Тăшман кулли пулмасăр.

Пинтен пĕри кăна, тен,

Май тупнă хăтăлмашкăн.

Шăпах, тен, вăл пулайнă

Мăн асаттем таврашĕ?..

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн