Арçын çуначĕ — урхамах

Таван ялта лаша витине аркатса, вутă туса, кăмакара çунтарма валеçрĕç.

Хальхи вăхатра ялта пĕр лаша та çук.

28 раштав 1981 çуд

(Аркану пуçланнă вăхăт)

Мĕскер кĕтет халь лашана,

Тăван ялта ку вăхăтра?

Лаша та, урапа-çуна

Пачах та тухрĕç халь шутран.

Пĕтерчĕç мĕскĕн чĕрчуна

Тăван ялта манса Турра.

Çунать халь урапа-çуна

Вут-çулăмпа кăмакара.

Халь черетре лаша вити,

Йĕри-тавралăхри карти.

Ăна та аркатакансем

Пăсса туртаççĕ кунсерен.

Хресчен тĕрек — кӳлен лаша.

Мĕн авалтан çапла пулса

Ялта параççĕ йăлт аша

Лашайăн йăхĕнчен кулса.

Раштав, 1981.

Çĕнĕ комментари хуш