Ан вĕлер, ан суй, ан сут

Анатолий Смолин | Сăвă | 402


Пирĕн пурнăç — кĕтрет,

Пурăимастпăр икĕ хут.

Аслă Туйам систерет:

«Ан вĕлер, ан суй, ан сут».

 

Тем тесен те çын — çынах,

Уншăн ним те пулмĕ ют.

Манас марччĕ çав-çавах:

«Ан вĕлер, ан суй, ан сут!»

 

Выльăхсен те пур саккун,

Çын ан пултăрччĕ ансух.

Асра тыттăр кашни кун:

«Ан вĕлер, ан суй, ан сут!»

 

Çак сăмахсене мансан,

Пире кĕтĕ хаяр суд.

Çавăнпа та нихăçан

Ан вĕлер, ан суй, ан сут!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: