«Сахал мар тĕлпулу-уйрăлу...»

Сахал мар тĕлпулу-уйрăлу,

Сахал мар çулсем юлчĕç хыçра.

Сан сăну, сан куçу, сан куллу,

Яланах асăмра, асăмра.

Тинĕсре тулашать тискер çил,

Йĕп чиксен те курмаççĕ куçсем.

Ун чухне те умрах тăван кил,

Умăмрах сан сăну-çӳçӳсем.

Ун чухне, лутка-кимĕ путсан,

Пĕр-пĕччен чух хаяр тинĕсре,

Эпĕ туйрăм: чун сывă пулсан,

Пĕр никам уйăрас çук пире.

08.12.1958.

Çĕнĕ комментари хуш