«Кама-тăр вăрттăн килĕштернĕ...»
Кама-тăр вăрттăн килĕштернĕ,
Кама-тăр уççăн юратман.
Усал шухăщлисене хӳтернĕ,
Ыр тунине часах манман.
Именчĕклĕ, ытла сăпайлă,
Çын куласран хăра-хăра
Çапла эп çитĕннĕ хам майлă
Вăрманлă, лăпкă тăрăхра.
Ачалăхăм — çырла утравĕ,
Шап-шурă Çĕмĕртлĕ1 тĕнчи.
Ыйтсассăн вырăс-и, тутар-и,
Калаттăм эп: «Пӳлер енчи».
Мăнаçчĕ çак самант ман сăнăм,
Кĕрен витсен те питĕме,
Умра уксах Тимур хăй тăнăн,
Сапатчĕ куçăм хĕлхеме.
Пĕртен-пĕр хурçă сăнă евĕр,
Шăтарасла пăхса илсе
Эп хатĕрччĕ çич ĕмĕр витĕр
Ямашкăн çулăмсăр ĕнтсе.
Çапла ман кăмăл тĕрекленнĕ,
Аваллăхăн ятне яман.
...Кама-тăр вăрттăн килĕштернĕ,
Кама-тăр уççăн юратман.
Шухăшсем
Ready to drive targeted visitors to your...
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...
Здесь вы сможете найти поставщиков удоб...
Цикори çинчен ытларах пĕлесшĕннччĕ ...