Электронлă вулавăш

(Хальхи тата ĕлĕкхи пурнаçпа çыхăннă такмаксем)

 

Кашни чăваш ялĕнче

Арçынсем куç умĕнче.

Сахал мар Миккалайсем,

Аташсем — пĕр ятлисем —

Çĕнĕ Йĕлмел ялĕнче.

Ентешсем-çке-ха эпир...

Кĕски, Мĕскĕн, Аванир,

Макар, Кашкăр тенисем —

Аташсем — Микулайсем.

Амус Микалайĕ кам?

Пĕлмесен — хамах калам:

Ялти паллă агроном,

Аллинче ун пур диплом.

Пур Тукасра Головин,

Ячĕ, паллах, Миккалай.

Çав ĕçчен чăваш ачин

Алли пит ăста, ай-ай!

Е Никифоров Куля,

Вăл та ĕçченне пула

Ырă ята тивĕçет.

— Пилорамщик эпĕ, — тет.

Тĕрĕсне калать. Маттур!

Çулпа ватă — вучĕ пур.

«Тава тивĕçлĕ» ята

Ялта илнĕ ик хăта,

Иккĕшĕ те Миккалай —

Акă мĕнле япала!

Пĕри — Чашкин, Агапчă

Тесе чĕнеç теприне.

Çапла пухсан аванччĕ

Тăван колхоэ туприне.

Марук Санин Миккалайĕ

Ку чух ĕçлет районта.

Налук пуçтарать сахал-и,

Укçа кĕртет бюджета.

Мĕскĕн-Мĕскĕн терĕмĕр,

(Миккалай-çке, атьсемĕр) —

Тăван «Йĕлмел» колхозра

Ячĕ-сумĕ ун чысра.

Тиххăн Кули кочегар,

Унта çеç-и вăл хастар,

Сăвă çырать — ак тĕнче! —

Пичетлет хаçатсенче.

Яковлев Мăккăль та пур,

Марков — вăл та пит матгур.

Пĕри — выльăхсем пăхать,

Тепри — пенсире канать.

Çакă тĕрĕсрех-и, тен, —

Хăй вăл — канăçсăр этем.

Аванир те пултарать,

Автанран та ир тăрать,

Автанран та ир тăрать —

Халăхран сĕт пуçтарать.

Мули Петĕр Микулне

Ялта пĕлет мĕнпурĕ, —

«Йĕлме» ял ансамĕльне

Никам та мар, вăл пухрĕ.

Талантпала çутă ăс

Ун çук мар — ял-йыш пĕлет,

Ачасене хут купăс

Каламашкăн вĕрентет.

Ларионов Микулай

Ĕçлет «Канаш» хаçатра,

Сăвă рифмăлать пĕрмай

Чун шăраннă вăхăтра.

Ун аташĕ — Казаков

Тăрăшать унтах пĕрле.

Хаçатра канăç çук çав, —

Ялт! сиксе тăрать çĕрле.

Ыйхине татсах вара

Хуратать вăл шур хута.

Тăрмăшать çапла вăрах

Çамрăк Микулай хăта.

Çитрĕ тин кĕтнĕ мехел,

Çырнă хучĕ — пĕр тĕрке.

«Тăван ен — Çĕнĕ Йĕлмел»

Ятлă сумлă кĕнеке

Пуянсем пулăшнипе

Тухрĕ Чĕмпĕр хулинче.

Пулни-иртни пĕтĕмпех

Юлĕ халăх асĕнче.

Тĕрлĕ вăхăт кӳнтели,

Сăмахне вуланă май,

Çĕн ăрăва пĕлмелли

Тупăнать унта самай.

Тав сире, Микулайсем,

Çене Йĕлмел ачисем,

Паян ыра-сыввисем,

Вилсе çĕре кĕнисем —

Паттăрла пуç хунисем,

Çич ютра çухалнисем,

Тĕрлĕ ăру çыннисем,

Ачаранпа тĕртленсе

Асап, хĕн-хур тӳснисем,

Тĕрĕслĕхе ĕненсе

Хура тар, юн тăкнисем,

Чăваш ятне çĕклесе

Чыса тивĕç пулнисем,

Чир-чĕрсене çĕнтерсе

Чул пек пиçĕ юлнисем.

Сирĕн ыр ĕç — ял çинче,

Эсир — ял-йыш асĕнче.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн