Хуралти чăрăшсем
Аллейăпа утса пыратăп.
Ик енĕпе те чăрăшсем.
Вĕсен хитрелĕхне туятăп:
Ытла та капăр тумĕсем.
Хĕл кунĕнче, тен, уйрăмах та
Туяп вĕсен илемлĕхне.
Тупаймăн нимĕнле сăмах та
Хурлас тесе эс вĕсене.
Шап-шурă шупăр-кĕрĕк — уртнă
Йăп-йăрăс пĕвĕсем çине.
Кун пек сăнпа камах-ши курнă,
Иртсе пыруçăн, вĕсене?
Хама парадри пек туятăп.
Хуралтисем-çке — чăрăшсем.
Вĕсен енне пуçа таятăп,
Салтаксене аса илсе.
...Яш каччăсем хурал тăраççĕ
Çĕршывăн тĕрлĕ чиккинче.
Вĕсем-и тăшманран хăраççĕ?
Çук, ун пекки пулман хальччен.
Хитрелĕхпе шав тĕлĕнтерччĕр
Паян, ыран та чăрăшсем.
Ыр хуралта кăна ирттерччĕр
Чикĕсенчи патвар яшсем.
Шухăшсем
Use AI to build a website by just enteri...
В мире, где чистота и здоровье становят...
Лазерный уровень легко помещается в су...
Ready to accelerate your website ...
В современном мире, где качество и безо...
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...