«Кăштах тата пурнасчĕ-ха...»

Кăштах тата пурнасчĕ-ха.

Тин пурнăç çунат сарчĕ. Халь.

Тин анлăн утăмла пуçларăм

ăнăçăва. Ку çеç сахал.

Тур умĕнче ман пысăк парăм.

Пурнасчĕ-ха кăштах тата.

Васкас пулмасть-ха ахрата.

Хистет, сăмахна тыт тет чысăм.

Ĕлкĕреймеслĕх хăратать.

Çын умĕнче те парăм пысăк.

Тата пурнасчĕ-ха кăштах.

Парăмсене татсан, лăштах

пулинччĕ чун. Майсем тупасчĕ.

Вара, сывласчĕ те хаштах,

Турра шăпамшăн тав тăвасчĕ...

Çĕнĕ комментари хуш