«Пĕрле вĕреннĕ, пĕр йышра çӳренĕ...»
Пĕрле вĕреннĕ, пĕр йышра çӳренĕ,
Анчах темме капла асăрхаман.
Выляс-кулас пулсан, калаçнăçемĕн,
Ыттисемпе сăмах-юмахчĕ ман.
Каç-каç сана ăсатакан пулсассăн
Эп марччĕ юнашар утаканни.
Ют каччăпа институтран тухаттăн,
Кӳрентерместчĕ такампа кайни.
Санпа пĕрле пулма та шутламанччĕ,
Куçран пăхса та пĕртте калаçман,
Анчах мана такам асăрхаттарчĕ:
— Вăл вĕçĕмсĕр сăнать сана, ан ман!
Пĕрле вĕреннĕ, пĕр йышра çӳренĕ,
Анчах темме хальччен асăрхаман...
Иксĕмĕре, хăй кĕвĕçсе кӳреннĕн,
Пĕр мăшăр терĕ чăнласах такам.
Шухăшсем
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...
Питĕ килĕшрĕ...
Прочитал от и до...
Чăн чăнах та, сатира туйăмĕ Л...