«Тĕнчемĕр тăваткал тесе ма ытарлăн калатчĕç?..»
Тĕнчемĕр тăваткал тесе ма ытарлăн калатчĕç?
Юмах-и, чăнах-и — ĕненнĕ ăна чиперех.
Çаплаччĕ чăнах та, эпир çамрăкрах чух çаплаччĕ:
Тăватă енне те çулсем тараватчĕ пире.
Тирпейсĕр салатнă картсем пек мĕн пурăннă кунăм
Шур хутăм çине кĕреймесĕр выртать çаплипех.
Килес телее пултăрах! — кăшт хуçăлнă чунăм
Хупмасăр хăварнă кĕрхи укăлча хапхи пек.
Тĕнчийĕ çавах, енĕсем те çаплах ун тăваттă.
Мĕн улшăннă? — Кĕр еннелле аннă вăхăт кăна.
Апла хывăх пексалатса тĕрĕс мар эп тăватăп
Шăпа шутласа парнеленĕ малашлăх куна?
Унччен çут тĕнче çулăхсах, тен, мана ыталатчĕ...
Мĕн-ма, пархатарсăр, çавна хаклама эп пĕлмен?
Епле пĕр енне талпăнаттăм эп — ирĕк хăлачĕ,
Хыçа юласса тепĕр енĕ аса та илмен.
Халь акă тĕнче ытамне пушатса пынăçемĕн,
Хамах çулăхса ыталатăп ăна, йӳнĕскер.
Мĕн-ма юратса пĕтермен эп, тăваткал тĕнчемĕн
Тăватă енне те пĕр пек юратма килнĕскер...
Шухăшсем
скажите спасибо так много за ваш веб-сай...
скажите спасибо так много за ваш веб-сай...
скажите спасибо так много за ваш веб-сай...
скажите спасибо так много за ваш веб-сай...
скажите спасибо так много за ваш веб-сай...
Невероятно пользователь приятно веб-сай...
I tried https://greenrevolutioncbd...
I tried https://greenrevolutioncbd...
I believe that is one of the such...
I believe that is one of the such...