Тиркесен...

Лаврентий Анăç | Сăвă | 375


Эп юратрăм сар хĕре,

Саррине пулах тиркерĕм:

Кăкăрта вăркать чĕре —

Хурине тупасчĕ терĕм.

Хурлăхан çӳçлĕ хĕре

Вăйăран килне ăсатрăм,

Паян каç курсан тепре

Айккине утма васкарăм.

Çитрĕм ĕнтĕ вăтăра,

Хусахра çаплах çӳретĕп,

Хĕрсенчен хăра-хăра

Мĕншĕн-ши çӳренĕ, тетĕп.

Юрату хăвачĕ сӳнчĕ,

Кашни кун анне вăрçать.

Ман çулхи хĕрсем те пурччĕ,

Халĕ ĕнте чун хăрать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: