«Пĕлейместĕп: тăлăх ӳснĕрен-ши...»

Пĕлейместĕп: тăлăх ӳснĕрен-ши

Кутамас юман пек лутака?

Тен, ачалăх йывăр

килнĕрен-ши

Тулли ӳт кĕмерĕ шăм-шака?

Çавăнпах-и вăкăр пек эп чĕмсĕр,

Упа евĕр кутăн та чăкраш.

Хăш чухне туятăп

катăк йĕмсĕр

Чупакан ача пек пит йăваш.

Эп çапах та пурпĕр — этем чунĕ.

Ман телей те, чыс та ĕмĕт пур.

Элекпе ултавçăн хура юнĕ

Ăшра çук тумлам та — уçса кур.

Çĕнĕ комментари хуш