Телей саманчĕ

Эп сана тĕл пултăм ăнсăртран —

Умăма сасартăк çăлтăр аннăн.

Халь пĕрмай куç умĕнче тăран,

Калăн çав —

чăнах та эсĕ манăн.

Эс çиçсе çухалтăн хăш енне?

Пĕтĕрĕнет кун-çулăн авăрĕ...

Илтейĕн-ши шăпам кĕл тунине:

«Ăна хăçан тепре Тур çавăрĕ?..»

Куртăм.

Пĕлтĕм.

Халиччен пĕлмен.

Саманта эп кунашкал савманччĕ.

Ĕмĕрлĕх самант та пур иккен.

Тавтапуç сана,

Телей саманчĕ!

Çĕнĕ комментари хуш