Тăванпа пĕрле чухне

Инçе çĕртен тăван патне

Килетпĕр хапăл кăмăлпа.

Кĕтсе илсем, тăван, пире,

Курас килет чунтан сана.

Пĕрле чухне, хаклă тăван,

Хуйха-суйха йăлтах манар.

Ик ĕмĕр никама пӳрмен,

Ыр кăмăлли çынран ӳкмен.

Виç сăмахпа хуть ăшăтса

Эп хăварам санăн чунна.

Хам та пĕр вăхăт çемçелем,

Чи çепĕç туйăмсем пиллем.

Мĕнле пырать сан пурнăçу?

Ĕçре пырать-и ăнăçу?

Телейсĕр мар-и сан шăпу?

Шывланчăк мар-и сан куçу?

Çĕнĕ комментари хуш