Савни, эс манăн пулмасассăн...

Савни, эс манăн пулмасассăн

Кăнтмах тивет ĕнтĕ сана.

Ахаль мантан хăтăлаймастăн —

Çук тейĕн — кайăн çырмана!

Савниçĕм, сассуна илтсессĕн

Арçури пек çухрас килет.

Эс ман умран утса иртсессĕн

Чĕрем кăлттин-кăлттин сикет.

Чун-чĕререн сана саватăп.

Эс маншăн чăн вĕре çĕлен.

Тек сан патна эп ăнтăлатăп,

Типсех пыратăп майĕпен.

Эп çав-çавах сана тытатăп,

Хупса лартатăп мунчана,

Тур пур, аван пăхса усратăп —

Эп юрататăп-çке сана!

Çĕнĕ комментари хуш