Тамара тарăхать
Хĕрачасем пӳрт çумĕнче
Лараç хĕвел ăшшинче.
Хăйсем таса, тирпейлĕ,
Пуканисем илемлĕ.
— Ман хĕр маттур, макăрмасть,
Амăшне чăрмантармасть, —
Тесе пĕри юр юрлать,
Пуканине çупăрлать.
— Аçу килте-и, Нина? —
Тесе ыйтать Ульяна.
— Атте кайрĕ вăрмана
Кӳршĕсемпе кăмпана, —
Хуравлать леш юрласа,
Пуканипе выляса.
— Улькка, сан аçу ăçта,
Килте лармасть пуль вăл та?
— Пулла кайрĕ ман атте,
Таврăнмасть вăл каçчен те.
Аттесемпе мĕн тăван,
Канмалли кун вĕт паян?
Пĕрин ашшĕ кăмпара,
Теприн ашшĕ пулăра.
Манăн атте сăрара, —
Тет пĕчĕкçĕ Тамара, —
Сăра ĕçсе савăнать,
Виле ӳсĕр таврăнать,
Çапкаланать, кăшкăрать,
Пире хуса кăларать...
Пĕчĕк ача тарăхса
Йĕре-йĕре калаçать.
Ун сăмахне итлесе
Ват чĕре пăшăрханать.
Ĕçкĕ сиен кӳнине
Пурсăмăр та пĕлетпĕр.
Çапах та хăнасене
Эрехпеле сăйлатпăр.
Мĕнле йывăр ĕçсем те
Пурнăçланаç ăмăртсан.
Ĕçме пăрахасси те
Пулатех çине тăрсан.
Шухăшсем
Use AI to build a website by just enteri...
Get more leads for your chuvash...
Working to energize your website ...
Ever thought how chuvash...
Looking to boost your website tra...
Get more leads for your chuvash...
Dealing with low website traffic ...
Use AI to build a website by just enteri...
Needing to lift your website traf...
Imagine if chuvash...