Вăхăт иртет

Кĕркунне те çитрĕ, хĕл те çывхарать.

Майĕпен çулталăк вĕçленсех пырать.

Сăнӳкерчĕк евĕр куçăм умĕнче

Чунăма лăпкать-çке хăйне май тĕнче.

Пирĕн пурнăç хăй те вырăнта тăмасть,

Самантне пулин те хăварса памасть.

«Тин кăна ачаччĕ» — теççĕ амăшсем

Çитĕнсе çитсессĕн ывăлсем-хĕрсем.

Çулăсем саланнăн вăхăт та иртет:

Сарă çулçă ӳкрĕ — вăл часах пĕтет.

Пирĕн иртнĕ кун та тепĕр хут пулмасть,

Манăçми ачалăх, шел те, таврăнмасть.

Çĕнĕ комментари хуш