Юханшыв хĕррипе...

Георгий Ефимов | Сăвă | 462


Юханшыв хĕррипе

Иккĕн утнă чухне,

Юрату кĕввипе

Кĕртрен вăй чĕрене.

 

Кĕвĕ юхрĕ хуллен

Уйăхпа çăлтартан.

Хум сикет çӳлелле

Тухас пек çырантан.

 

Хум сикмест, ман чĕре

Лапкă мар кăкăрта.

Ыталатăп хĕре —

Шерпетленчĕ тута.

 

Çыранти чечексем

Уçрĕç çутă куçне,

Çакăн евĕр илем

Кам ярать çĕр çине?

 

«Юрату, юрату!».. —

Таврара илтĕнет, —

Кил-йышна юрă ту,

Упрасам ун чысне».

 

Юханшыв хĕррипе

Утнине курнă хир.

Çăлтăрпа хĕвелпе

Тупа тунă эпир.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: