Атăл çинче

Василий Волгин | Сăвă | 1949 | 430


Çĕрле. Атăл çийĕн

Яш тантăшсемпе

Аван çӳремешкĕн

Пĕрле кимĕпе.

 

Çӳлтен çутă уйăх

Йăвашшăн пăхать.

Çути ун шыв тăрăх

Чĕркĕмĕл суйлать.

 

Пыратпăр хăюллăн

Ишсе, малалла.

Çап-çутă йĕр хумлăн

Юлать хыçала.

 

Умра тĕкĕр евĕр

Шыв çийĕ яка.

Юхать аслă Атăл

Туллин, сарлакан.

 

Ун мăшăр çыранĕ

Пит капăр, пуян, —

Ем-ешĕл çаранĕ,

Илемлĕ вăрман.

 

Эх, Атăлăм, Атăл,

Саватăп сана,

Нихçан эс ан татăл, —

Ан сивĕт чуна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: