Çăлтăрсен çути юхать ман витĕр...

Энтип Ваççи | Сăвă | 380


Çăлтăрсен çути юхать ман витĕр,

Хĕмленет ăрши куç шăрçинче.

Çутă кĕввинче чĕнӳ пур — илтĕр:

Тĕнчене хыпар ярать тĕнче.

Кам кăна илтет — асамлă тунсăх

Тыткăнлать чунне ĕмĕрлĕхе:

Шăрăх пек, тиет, çунать вăл унсăр,

Туйнăн çăлтăр чĕртнĕ пĕрлĕхе.

Çăлтăр çутине курман çын пилсĕр,

Çутă чĕнĕвне манни — пĕччен.

...Çăлтăрсен çути юхать ман витĕр,

Хĕм сапать ăрши куç шăрçинчен.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: