Çĕр сывлать

Борис Борлен | Сăвă | 402


Çуркунне, шыв-шур кайсассăн,

Çутçанталăк çĕнелсен,

Çĕр сывла пуçлать хаваслăн

Вăй илсе сар хĕвелтен.

 

Çĕр сывлать. Çӳлте шăваççĕ

Çивитти пек пĕлĕтсем,

Анлă уй-хирсем выртаççĕ

Вăрлăх акасса кĕтсе.

 

Кăпăшка тăпра килентĕр,

Ăшă çумăр, хатĕр пул!

Çĕр-аннемĕр çитĕнтертĕр

Пысăк тухăçлă тыр-пул.

 

— Çĕр сывлать! — тесе калатчĕ

Çуркунне çитсен атте,

Çиессӳ килсен кулачă

Упрасам çĕр хăватне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: