И-ха-ха!

Борис Борлен | Сăвă | 361


И-ха-ха! И-ха-ха!

Кĕçенет, вылять тиха,

Кастарса ярсан ăна

Çаврăнать вăл лашана.

 

Кунĕн-çĕрĕн вăл ĕçре,

Сухара е сӳрере.

Лăпкăн-шăппăн тăрăшать,

Кĕçенмешкĕн те хăрать.

 

Ун хуçи хăй пек хусах,

Пурпĕрех хуçа — хуçах.

Кунĕпе ĕçлеттерет,

Каç енне çеç çитерет.

 

Хисепре-и ĕç лаши?

Вĕçсĕр-хĕрсĕр ун нуши.

Мĕн пирки пырать сăмах,

Ăнланать ялти хусах.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: