Ĕмĕр çамрăк юлаççĕ

Маншăн халь вĕсем чĕрĕ пулсан

Асатте е атте пулмаллаччĕ.

Урампа иртнĕ чух пуç тайса

Вĕсене манăн çул памаллаччĕ.

Анчах çук халь вĕсем… Пулас çук…

Йĕрсем çеç хăйсем хыççăн хăварнă.

Тен, пĕр паттăр пуçне хунă чух

Ун ĕçне вĕçлеме эп çуралнă?

Кĕрхи çимĕç пулса татăлаççĕ

Ман çулсем. Чĕрĕк ĕмĕр хыçра.

Ачаран эп тытатăп асра,

Вилнисем ĕмĕр çамрăк юлаççĕ!

Çĕнĕ комментари хуш