Асаил

Тӳпери шур уйăх сенкер çутă сапрĕ,

Шурă хурăн, хурлăн ан кĕтсем текех,

Ман пекех сана та тунсăх сăнĕ çапрĕ.

Эс те халь пĕчченçĕ, эс те ман пекех.

Сарă çулçуна эс ан вĕçтер саламлăн,

Пĕлес çук ăна вăл, курас çук ăна.

Иртнĕ çут телейĕн, манăçми самантăн

Тунсăхĕ упранĕ пĕр манра кăна.

Аса ил, савниçĕм, аса ил хавассăн:

Иккĕн лартнă хурăн пур шкул хыçĕнче.

Пур тата телейлĕ юрату асапĕ,

Пур ӳпкевсĕр тунсăх манăн куçсенче.

Çĕнĕ комментари хуш