Ун чухне улмуççи шур тумне пăрахсаччĕ
Ун чухне улмуççи шур тумне пăрахсаччĕ,
Чăмăркка улмисем курăнатчĕç пĕр пек.
Эп пăхса савăнаттăм, «Паха атте сачĕ.
Çимĕççи кĕр кунне пулĕ тулăх, кĕрпек».
Кĕр çитсен пахчана эпĕ кĕтĕм, хурлантăм,
Улмисем пит шултра, чуптăвасшăн çĕре.
Анчах хăшĕ-пĕри ăшĕнчен йăлт хуртланнă,
Е тепри çиелтен хăмăрланнă, çĕрет.
Тепĕр ир улмасем çĕре ӳкнĕ нумайăн
(Çĕрлехи çил тасатнă улма йывăçне).
Çав йăх- ях çимĕçе сыснана панă майăн
Эп тав турăм çиле ырласа ун ĕçне.
Çил пулман тăк, çĕре ӳкменни те чирлетчĕ,
Курас çукчĕ çисе тап-таса улмине.
Ан хуртланччăр тесен имлени те кирлехчĕ.
Анчах халĕ тин мар, чечек çурнă чухнех…
Шухăшсем
Is your website chuvash...
Ready to drive your website succe...
Is your website chuvash...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...